دمعة سجين - انشوده رائعه

[تعال يا روح أبوك ونبض وجدانه لاعاد تبكي وتشكي يابعد حالي :: أبوعلي ::

أنشودة رائعة لأبو علي .. يصف فيها حال ذلك

الإبن الضائع الذي أهمله والده .. ثم عاد ليضمه إلى صدره ولكن بعد ماذا !

أبناؤكم أمانه في أعناقكم .. تربيتهم ليس بالشيء السهل

فاتقوا الله فيهم ..

اترككم الآن مع النشيد ومن ثم الكلمات

للتحميل ...... Save target As

http://www.abo-ali.com/mp3/dm3t_sjeen.mp3

كلك يمين (حفظ الهدف باسم)

كلمات الأنشودة

يابوي أنا جيت لك والنفس ندمانه ::: وفي القلب نارِ تشب وتشعل أشعالي
ولدك تاه الطريق وكثرت احزانه::: وشرب المرارة وغيره يشرب الحالي

رح خل ينفعك من طاوعت شيطانه ::: صاحبك راع الوفا اللي ماله أمثالي
صديقك اللي يعدك ثالث أخوانه ::: وشلون خلالك وقت الضيق للصالي

يابوي عطفك رميت الروح بأحضانه ::: ونثرت دمعة سجين شاف الأهوالي
لا عاد تذكرلي الماضي وخلانه ::: راحوا وشفني وحيد جالس لحالي

غرتك دنياك والايام خــوانه ::: رضيت في الصحبة الحسنه بالأنذالي
وأغضبت ابوك وفضحته بين جيرانه ::: نزلت راسه وهو في مامضى عالي

أنت السبب في الخطا وانا ادفع أثمانه ::: أهملتني وانشغلت بجمع الأموالي
خليتني للهوى وإبليس وأعوانه ::: يلعب بي الجهل من جالِ ليا جالي

أنا أجمع المال واتعب حيل من شانه ::: قرش على قرش وريالٍ على ريالي
واشري لك اللي تبي من وسط دكانه ::: وتختار سيارتك لو سعرها غالي

يابوي أنا جيت والعينين غرقانه ::: تايب على الذنب وأرجي رحمة الوالي
السجن قطع فؤادي صمت جدرانه ::: وظلمى زواياه عنها موتي أشوى لي

تعال ياروح ابوك ونبض وجدانه ::: لاعاد تشكي وتبكي يابعد حالي
الذنب ذنبي وصار وشفت برهانه ::: وقررت أخلي الطمع وأهتم بعيالي

استغفر الواحد المعبود سبحانه ::: ومن رفقة السوء أحذر كل الأجيالي
وانا أوصي الاب من فضله واحسانه ::: لاتشغله عن عياله كثر الأعمالي

سلامي للجميع

عضو فعال المساهمات : 83 تاريخ التسجيل : 21/10/2008

مشكوور ويعطيك العافيه ...

ملاحظة (( هذا الموضوع لا يناسب هذا القسم ))

مشكووووووووور يا حسووووووم

كن هذي النشيده فيها حزن وندم من الولد ومشكوووووور

ولا تحرمنا من طرحك والقائك الرائع

تقبلووووووووو مروري